#နေမင်းသခင်နှင့်သေမင်းဧကရာဇ်
(အပိုင်း၂)
ရှေ့မှပြေးနေသော သဏ္ဍာန်မဲ့မြွေ၏ နောက်သို့
တစ်ကောက်ကောက်လိုက်ရင်း နေမင်းသခင်တစ်ယောက် ချောက်ကမ်းပါးအစွန်းသို့ ရောက်နေသည်ကိုပင် သတိမမူမိခဲ့ရာ တစ်ကိုယ်တည်း ကြိမ်းဝါးကာ ရယ်ပင် ရယ်လိုက်သေး၏•••••
"နေနှင့်အုန်းပေါ့ မြွေစုတ်လေးရေ။ မိတဲ့ခါမှ အကောင်လိုက်ကို ကြော်စားပစ်လိုက်မယ် အဟားး…"
ထိုအချိန်မှာပင် သဏ္ဍာန်မဲ့မြွေမှာ နေမင်းသခင်၏ ကြိမ်းဝါးလိုက်သံကို ကြောက်ရွံ့သွားပုံရကာ အဆုံးစွန်ဆုံးသော ကြိုးစားမှုအဖြစ် ••• ချောက်ကမ်းပါးအစွန်းမှနေ၍ တောင်အောက်ဆီသို့ မိုးရွာသည့်အခါက မိုးရေများ စီးဆင်းထား၍၄င်း၊
မိုးထိတောင်ထိပ်မှ နေထွက်ချိန်၍ နှင်းများအရည်ပျော်ကာ တောင်အောက်သို့ စီးမျောထား၍၄င်း၊
မျဉ်းဖြောင့်နှယ် ဖြစ်တည်နေသော တောင်ထိပ်မှ တောင်အောက်ဖက်ဆီသို့ ရေများစီးဆင်းထားရာ ရေစီးကြောင်းလေးများထဲမှ တစ်ခုဆီသို့ လျောဆင်းချလိုက်ရာ နေမင်းသခင်ကလည်း သဏ္ဍာန်မဲ့မြွေ လွတ်သွားတော့မည်ဟူသော အသိသာရှိရကား တောင်စွန်းသို့ မိမိရောက်ရှိနေသည်ကို သတိမမူနိုင်ပဲ ဒိုင်ဗင်ပစ်၍ အသဲအသန်ပင် ဖမ်းပစ်လိုက်၏။
"ဟား …
မြွေစုတ်လေး။ မင်း ခုတော့ ဘယ်ပြေးမလဲ အဟား အဟား …"
လက်ထဲ၌ မိမိရရဆုပ်ကိုင်လိုက်မိသည့် သဏ္ဍာန်မဲ့မြေကလေးအား သဘောကျစွာ ကြည့်၍ ကလေးစိတ်မကုန်သေးသော နေမင်းတစ်ယောက်ကား ဟန်နှင့်ပန်နှင့်ပင် ပခုံးတွန့်,မျက်မှောင်ကြုံ့ကာ ဆိုလိုက်ပြီးသကာလ •••••
အေးခနဲ လှိုက်ဖိုသွားသည့် စိတ်ခံစားမှုနောက်ဝယ် သူ၏
ခြေအစုံမှာ လေပြင်ကိုသာ နင်းမိလေတော့ရာ … ဤတွင်မှ
မိမိ တောင်အောက်သို့ ပြုတ်ကျနေပြီ ဖြစ်ကြောင်း သိလိုက်လေတော့သည်။
" ဟိုက် …၊
သောက်ကျိုးနည်း…"
နေမင်းသခင်ကား ပါးစပ်မှ လွှတ်ထွက်သွားသည့် အာမေဋိတ်သံနှင့်အတူ မျက်လုံးမျက်ဆံပြူးလျက် ပတ်ဝန်းကျင်အား တစ်ချက်ကြည့်လိုက်ကာ ကိုယ်ကိုယ်ဖော့၍ အရှိန်ထိန်းကာ ကိုယ်ဟန်ပြင်လိုက်ပြီး မိမိအောက်ခြေတည့်တည့်ရှိ လေထုအား အတွင်းအားအပြည့်ဖြင့် လက်ဝါးရိုက်ချက်များ ဆက်တိုက်ဖော်ထုတ်ကာ လက်ဝါးချက်အရှိန်လွန်၍ အောက်သို့ဦးစိုက်သွားသည့်နှင့် ခန္ဓာကိုယ်ကို တစ်ပတ်လှည့်ပစ်လိုက်ကာ ကန့်လန့်ဖြတ်အနေအထားရောက်သည်နှင့် လေထုကိုပင် ခြေစုံကန်လိုက်ရာတောင်စောင်းရှိရာသို့ အနည်းငယ်နီးကပ်သွား၏။
ဤနည်းဖြင့်ပင် သုံးကြိမ်မြှောက် အားထုတ်မှု၏
အဆုံးဝယ် အသက်ဥာဏ်စောင့်…
ဟူသော စကားအတိုင်း နေမင်းသခင်တစ်ယောက်ကား တောင်စောင်းအလယ်ရှိ ကျောက်စွယ်တစ်ခုအား ဖမ်းဆုပ်လိုက်နိုင်ကာ ချောက်ကမ်းပါးအောက်သို့ ပြုတ်ကျသည့်အဖြစ်မှ ကင်းလွတ်သွားလေတော့သည်။
"ငှယ် …
ဒီပုံစံကြီးနဲ့ ငါ ဘယ်ချိန်ထိ နေရမလဲ မသိ။ တကယ်ကြီး သေရတော့မယ် ထင်ပါ့… "
ယောင်္ကျားကောင်းဟူက အသက်ပင် သေဆုံးလင့်ကစား ဇွဲကား မလျော့ •••••
ဘဝတစ်ခု, တိုက်ပွဲတစ်ပွဲအတွက် နောက်ဆုံးအချိန်, နောက်ဆုံး စက္ကန့်တိုင်အောင် ရှိသမျှ အင်အားဖြင့် တိုက်ပွဲဝင်သွားမည်သာ •••••
ထို့အတူ နေမင်းသခင်မည်သော လူငယ်လေးသည်လည်း ကလေးစိတ်မကုန်သေးလင့်ကစား ယောင်္ကျားထဲမှ ယောင်္ကျားတစ်ယောက်ဖြစ်ရကား အထက်ပါစကားသည် ညည်းညူးလိုက်ခြင်းမဟုတ်…
လက်ရှိအခြေအနေကြောင့်
သုညဒီဂရီအောက်သို့ ရောက်ရှိနေနိုင်သည့် စိတ်ဓာတ်ခွန်အားတို့အား ကိုယ့်ကိုယ်ကိုယ် သတိပေး,မွေးမြူလိုက်ခြင်းသာ ဖြစ်၏။
ထို့နောက် အံသေစ ပြုလာသည့် လက်ကြောင့် ခြေချရန်ဆုံးဖြတ်လိုက်ပြီး ဆုပ်ကိုင်ထားသည့် ကျောက်စွယ်ကိုပင် အားပြုကာ အပေါ်သို့ ခုန်တက်လိုက်ပြီး တောင်စောင်းရှိ အဖုအထစ် ချိုင့်ခွက်တို့အား ကိုင်၍ အစောပိုင်းက ကျောက်စွယ်၌ ခြေချရပ်တည်နိုင်ရန် ခက်ခက်ခဲခဲပင် ကြိုးစားလိုက်ရ၏။
"ဟူး …
ခုမှသာ နေသာထိုင်သာ ထိုင်ရှိသွားတော့တယ်။ အဲ ဟုတ်ပေါင် … နေသာ ရပ်သာရှိသွားတယ်လို့ ဆိုရမှာပဲ။ အခုက ငါမှ ထိုင်လို့ မရတာကို ဟိဟိ …"
ဤအရာကား အရည်အချင်းရှိသူတို့၏ ဥစ္စာသာ ဖြစ်ပေသည်။ လူတော်, လူချွန်ဟူသည် မည်မျှခက်ခဲသော အခြေအနေမျိုးမှာပင် ဖြစ်စေကာမူ ပျော်ရွှင်မှုကို ဖန်တီးရယူကာ ထိုအခက်အခဲမှ ရုန်းထွက်နိုင်ကြသည်သာ မဟုတ်ပါလော •••••
[ မိတ်ဆွေ … လောကသည် မာယာများလှ၏။ မမှန်းဆနိုင်လောက်အောင် ပြန့်ပြောသော အခက်အခဲဒုက္ခ,သုခမျိုးစုံနှင့် ပြ ဿနာ အကြီးအသေးအမျိုးမျိုး အစုံစုံတို့ဖြင့် ဖွဲ့စည်းတည်ဆောက်ထား၏။ လူတော်,လူကောင်းတို့သည် ဤသည်တို့မှ ရုန်းထွက်ကာ ငြိမ်းချမ်းသာယာသော ဘဝအား ဖန်တီးရယူကြရမြဲသာ ဖြစ်၏ - စာရေးသူ ]
နေမင်းသခင်ကား
ကျောက်စွန်းအပေါ်မှ နေ၍ ဝန်းကျင်တစ်ခုလုံးအား အနုလုံ ပဋိလုံ သုံးသပ်ကြည့်ကာ အမောဖြေလိုက်၏။
၎င်းကျောက်စွယ်ပေါ်မှ အပေါ်သို့ မော့ကြည့်လျှင်လည်း
တောင်ထိပ်သို့ မမြင်ရသလို … တောင်အောက်သို့ ငုံကြည့်ပြန်သော်လည်း တောင်ခြေသို့ မမြင်ရ …
(ဒုက္ခကား လှလှပပ ကြွကြွရွရွ)
အပေါ်သို့ ပြန်တတ်ရအောင်လည်း
မိမိ၏ ကိုယ်ဖော့ပညာဖြင့် မဖြစ်နိုင်ချေ။ အောက်သို့
ခုန်ဆင်းပြန်လျှင်လည်း မိမိလောက် မိုက်မဲသောသူ ရှိမည်မဟုတ်တော့။ဤသို့ဖြင့် ထမင်းတစ်အိုးကျက်ခန့်မျှသော အချိန်ကုန်ဆုံးသွားသည်နှင့် အမျိုးအမည်မသိသော ငှက်တစ်အုပ်၏ ကျေးဇူးတော်ကြောင့် လွှတ်မြှောက်ရန် လမ်းစအား တွေ့လိုက်ရ၏။
အနှီးလွှတ်မြှောက်ရေးလမ်းစ,ကား ဂူပေါက်တစ်ခု ••••
မှန်၏။ ငှက်တစ်အုပ် ပျံထွက်လာရာ
ဝါးတစ်ရိုက်အကွာမှ မှိန်ပြပြ ဂူပေါက်ဝတစ်ခု •••••
အထက်ကဆိုအပ်ခဲ့သည့်အတိုင်း
ယောင်္ကျားကောင်းတစ်ယောက်၏ စရိုက်လက္ခဏာနှင့် ပြည့်စုံသော နေမင်းသခင်ကား မိုးမမြင် လေမမြင်ရသော ချောက်ကမ်ပါးအလယ်၌ ဝါးတစ်ရိုက်အကွာအဝေး …ဟူသော ပမာဏအား တုန်လှုပ်မနေခဲ့ချေ။
အရည်အချင်းရှိသူမည်သည် အခွင့်အရေးသာ ရမည်ဆိုပါက တစ်ကြိမ်ထဲ,တစ်ခုထဲသော အခွင့်အရေးပင်ဖြစ်စေ …အမိအရ ဆုပ်ကိုင်မည်သာ မဟုတ်ပါလော •••••
" ဟူး ( ဖူး )…
ရှူး … ရှူး… (အသက်ပြင်းပြင်း ရှူထုတ်လိုက်သံ)"
နေမင်းသခင်က လေပူတစ်ချက် မှုတ်ထုတ်လိုက်ပြီးနောက် အသက်ကို ခပ်ပြင်းပြင်းရှူသွင်းလိုက်ပြီးနောင် အသွေးထဲ အသားထဲထိ လှည့်လည်သွားစေလိုက်၏။
ထိုနောက် တစ်ကိုယ်လူံးရှိ အတွင်းအားကို လှည့်လည်စေလိုက်ကာ ခြေနင်းထားသည့် ကျောက်စွယ်အား ပြင်းထန်စွာ ကန်ကျောက်၍ ကျောက်ဂူရှိရာသို့ အရှိန်ဖြင့် ခုန်ထွက်လိုက်ပြီးလျှင် ကိုယ်ဖော့ပညာကိုပါ ပူးတွဲအသုံးပြုလိုက်ပြီးနောက် အစောပိုင်းက မှိန်ပြပြသာ မြင်ခဲ့ရသည့် ကျောက်ဂူအမိုးအတွင်းရှိ အဖုအထုများအား ဆုပ်ကိုင်မိသွားကာ ကျောက်ဂူခြေကိုပင် အံ့အားသင့်ဖွယ် ခြေချလိုက်နိုင်၏။
ကျောက်ဂူပေါက်ကား ထင်မှတ်ထားသည်ထက် ပိုမိုကျယ်ပြန့်၏။ နေ၏ အလင်းရောင်ဝင်သမျှဖြင့်ပင် လှိုဏ်ဂူ၏ အကျယ်ကို မှန်းဆလိုက်နိုင်လေသည်။ အလင်းရောင် မရောက်သော အတွင်းပိုင်းသည်ကား မည်မျှ ကျယ်ပြန့်မည် သူမသိပေ။ သို့သော် မိမိအတွက် ကျောတစ်ခင်းစာ မကသော နေရာကို ပိုင်ဆိုင်နေပေပြီ။ မိမိဘာကို ကြောက်ရွံ့နေရအုန်းမည်နည်း။
" ဟင် …၊
သဏ္ဍာန်မဲ့မြွေ …"
နေမင်းသခင်မှာ အသက်အန္တာရယ်မှ လွှတ်မြောက်သွားကာ အခြေအနေ ပုံမှန်ဖြစ်သွားသည်နှင့် သဏ္ဍာန်မဲ့မြွေအား သတိရလိုက်ကာ ကိုယ့်ကိုယ်ကိုယ် ယောင်ရမ်း
ပွတ်သပ်ကြည့်လိုက်မိလေသည်။ ဤသည် အစောပိုင်းက အခြေအနေအရ သဏ္ဍာန်မဲ့မြွေမှာ လွှတ်မြောက်သွားပြီဟု … ထင်စရာရှိသော်လည်း မသိစိတ်ဖြင့် ပြုမူရှာဖွေလိုက်ခြင်းသာ ဖြစ်၏။
သို့ရာတွင် သဏ္ဍာန်မဲ့မြွေအား သူ၏ အင်္ကျီလက်အတွင်းမှ တွေ့ရှိလိုက်ပါသည်။
စင်စစ်အားဖြင့် တောင်အောက်သို့ မိမိပြုတ်ကျပြီ… ဟူသော အသိဝင်လာချိန်၌ မသိစိတ်ဖြင့်ပင် သူ၏ အင်္ကျီလက်အတွင်းသို့ ထည့်လိုက်မိခြင်းကြောင့် ဖြစ်၏။
ယခုမှပင် မိမိလက်ထဲမှ သဏ္ဍာန်မဲ့မြွေအား သေချာကြည့်မိ၏။
စွတ်စွတ်ဖြူ၍ ပတ္တမြားအလား ရဲရဲနီနေသည့်မျက်လုံးအစုံကား အနည်းငယ် ပြူးကျယ်နေသယောင် ထင်ရလေသည်။
သို့သော် သဏ္ဍာန်မဲ့မြွေမှာ အစောပိုင်းက နေမင်းသခင်၏ ခုန်ပေါက်ဆုတ်ကိုင်
ဖမ်းဆီးထားမှုကြောင့် မေ့မျောနေခြင်းသာ ဖြစ်ရာ ••••
နေမင်းသခင်က
အနီးကပ်ကြည့်ရှုနေခြင်းကြောင့် သူ၏ ထွက်သက်များက သဏ္ဍာန်မဲ့မြွေအား ထိသွားသည့်နည်းတူ
သဏ္ဍာန်မဲ့မြွေထံမှ အနံ့တစ်မျိုးမှာလည်း နေမင်းသခင် ရှူသွင်းလိုက်သော လေ၌ ပါဝင်စီးမျောနေလေရာ အချိန်အတန်ကြာသည်နှင့် ဒုက္ခပေးတော့သည်။
"အားးး … "
အဖြစ်အပျက်ကား မြနလှ်၏။
ကြုံတောင် ကြုံခဲသော အဖြစ်ဟု ဆိုက ပို၍ မှန်ပေလိမ့်မည်။
မူးဝေနောက်ကျိကာ အမည်မသိဝေဒနာကြောင့် အော်ဟစ်လိုက်မိချိန်၌ တိုက်ဆိုင်စွာပင် ကျယ်ဟနေသည့် နေမင်းသခင်၏ ပါးစပ်အတွင်းသို့
သဏ္ဍာန်မဲ့မြွေမှာ ခုန်ပေါက်ဝင်ရောက်သွားသည်နှင့်တပြိုင်နက် နေမင်းသခင်မှာ ဝေဒနာကြောင့် လဲကျမေ့မြောသွားရကား သူ၏ လက်အတွင်းမှ ခွန်အားရှိသလောက်ဖြင့် ခုန်ထွက်သည့်သဏ္ဍာန်မဲ့မြွေ၏ အရှိန် ••••
လဲကျသွားရာ၌ အောက်ခြေကျောက်ဂူကြမ်းပြင်နှင့် ကိုင်ရိုက်သလိုဖြစ်သွားသည့် အရှိန် နှစ်ခုတို့ ပေါင်းစုံသွားကာ သဏ္ဍာန်မဲ့မြွေမှာ နေမင်းသခင်ပါးစပ်မှ တဆင့် လည်ချောင်းတစ်လျှောက်ဝင်ရောက်သွားကာ ဝမ်းဗိုက်သို့တိုင် ရောက်ရှိသွားလေတော့သည်။
ယင်းအချိန်နှင့် တိုက်ဆိုင်စွာပင် တိမ်စိုင်တိမ်မည်းတချို့ က
နေမင်းအား အုပ်ဆိုင်းသွားသဖြင့် ရာသီဥတုသည် ညို့မှိုင်းသွားပြီး ကျောက်ဂူဝန်းကျင်တစ်ခုလုံး အမှောင်အတိကျကာ တိတ်ဆိတ်ငြိမ်သက်သွားလေတော့သည်။
<> <> <> <> <> <>
နတ္ထိရသေ့ကြီးနှင့် ဓားသခင်ကြီးတို့၏
စစ်တုရင်ပွဲကား ဓားသခင်ကြီးမှ အနိုင်ရရှိသွားလေသည်•••
ဤသည်ကိုပင် နတ္ထိရသေ့ကြီးမှ ရှုံးရသည့်အကြောင်းရင်းကို ဖော်ထုတ်လိုက်ပြီးနောက် ရှက်ရွံ့ဟန်ဖြင့် အားရပါးရ ရယ်မောလိုက်လေသည်။
ကလေးရှက်လျှင် ငို၍ ••••
လူကြီးရှက်သော် ရယ်၏ …ဟူသော ဆိုးရိုးစကား ရှိသည်မဟုတ်ပါလော။
"ဟာ … ဟုတ်ပ့ါဗျာ၊
ကျုပ်က ဒီစစ်သည်ရုပ်လေးကို အထင်သေးခဲ့မိတာကို။ ဟားဟားးဟားး…"
နတ္ထိရသေ့ကြီး၏ စကားနှင့်အပြုအမူကြောင့် ဓားသခင်ကြီးက သဘောကျဟန်ဖြင့် ပြုံးလိုက်ပြီးနောက် သူ၏ ထင်မြင်ချက်အား ပြောလေသည်••••
"ရသေ့ကြီးမှာ အာရုံများစရာရှိနေတယ် ထင်ပါရဲ့၊
အင်း … ဖြစ်နိုင်တာကတော့
နေမင်းသခင်ရဲ့အကြောင်းကို
တွေးမိနေတာ ဖြစ်မယ် …"
ထိုအခါ နတ္ထိရသေ့ကြီးက ဝန်ခံဟန်ဖြင့် ခေါင်းတဆတ်ဆတ်ငြိမ့်လိုက်ကာ မမျိုသိပ်နိုင်တော့ဟန်ဖြင့် သိလိုသည်ကို မေးခွန်းထုတ်လိုက်၏။
"ကျုပ်စိတ်ထဲမှာ နေမင်းသခင်က ဓားသခင်ကြီးရဲ့ တပည့်ကြီး
နတ်ဓားပျံကျန်းစန်းရှောင်နဲ့ တော်တော်လေး တူနေသလားလို့။ ဧကန္တ နေမင်းသခင်က ကျန်းစန်းရှောင်ရဲ့ သားများလား …"
ရသေ့ကြီးက ဤသို့ စကားဆိုလိုက်သည်နှင့်
ဓားမဲ့သခင်ကြီး၏ မျက်နှာပြင်ဝယ် နာကျည်းရိပ်များ ထင်လာကာ တပည့်ဖြစ်သူအား နှမျောတသ ဖြစ်ဟန်နှင့်အတူ သူ၏စိတ်အစဉ်က အတိတ်ကာလဆီသို့ ရောက်ရှိ်သွားလေတော့သည်။
နတ်ဓားပျံ ကျန်းစန်းရှောင်…
မြေပြန့်သိုင်းလောက၌
နတ်ဓားပျံစံအိမ် ၊ ဝိညာဉ်စိမ်းစံအိမ် ၊
ဝေဟင်ရဲတိုက် ၊တမာန်တော်ရဲတိုက် ၊
ဟူ၍ စံအိမ်နှစ်ခု … ရဲတိုက်နှစ်ထွေ …
ရှိသည့်အနက်နတ်ဓားပျံစံအိမ်သခင်ကြီး ကျန်းမင်းနှင့် ဝေဟင်ရဲတိုက်မှာသခင်ကြီး ဖုန်းဆွေတို့မှာ အဖြူရောင်သိုင်းသမားများဖြစ်ကြသော်လည်း ဝိညာဉ်စိမ်းစံအိမ်သခင် ကျူးလောက်ပုနှင့် တမန်တော်ရဲတိုက်သခင် တုန်လောက် တို့ကား လူအရေခြုံ မိစ္ဆာကောင်များ ဖြစ်ကြလေသည်။
ရှင်းပါအံ့••••
အကြောင်းမှာ ထိုသူတို့သည် လူရှေ့သူရှေ့တွင် လူကြီးလူကောင်းယောင် ဆောင်၍
နောက်ကွယ်၌ ပစ္စည်းလု, ဓားပြတိုက်ခြင်းဖြင့် စီးပွားဖြစ်ကာ မြို့မျက်နှာဖုံးသူဋ္ဌေးသူကြွယ်များအဖြစ် ရပ်တည်၍
နေကြသောကြောင့်ပင် ဖြစ်ပေသည်။
ထိုကြောင့် မြေပြန့်သိုင်းလောကအတွင်းရှိ ထင်ရှားကျော်ကြားလှသည့် ဆန့်ကျင်ဖက် စံအိမ်နှစ်ခုနှင့်ရဲတိုက်နှစ်လုံးမှာ
အမှားစောင့်၍ ကျားချောင်း, ချောင်းနေကြရလေသည်။
ဤတွင် နတ်ဓားပျံစံအိမ်သည်
ဓနအင်အား… လူအင်အား … အတောင့်တင်းဆုံး ဖြစ်လေရာ ဝိညာဉ်စိမ်းစံအိမ်နှင့်
တမာန်တော်ရဲတိုက်တို့၏ မနာလို အမုန်းထား၍ ဂရုစိုက် စောင့်ကြည့်ခြင်းကို အခံရဆုံး
ဖြစ်၏။
ယနေ့..
နတ်ဓားပျံစံအိမ်အတွင်း၌ မင်္ဂလာအတိတ်နိမိတ်အနီရောင်များ ပြန့်ကျဲနေပြီး တရုတ်ရိုးရာ အလှဆင်မီးပုံများ …
ဗြောက်အိုးများ … အရောင်အသွေးစုံပန်းအိုးအကြီးအသေးတိူ့ဖြင့် သင်းပျံ့နေသည့် ပန်းမာလာများနှင့်အတူ… နှစ်ချို့အရက်အိုး အမျိုးမျိုးတို့ကား စီတန်းလျက်••••
လူတစ်စုသည် မင်္ဂလာအခမ်းအနား တစ်ခုအား
ပျော်ရွင်စွာ ဆင်ယင်ကျင်းပနေကြလေသည်။
ထိုမြင်ကွင်းအား အပြုံးတို့ဖြင့် ကြည့်ကာ အပန်းဖြေနေသူ သုံးဦးရှိ၏။ ထိုသူတို့ကား …
နတ်ဓားပျံစံအိမ်သခင်ကြီး ကျန်းမင်း …
နတ်ဓားပျံစံအိမ်၏ ဒုတိယသခင်လေး ကျန်းထန်း …
စံအိမ်၏ အိမ်တော်ထိန်းကြီ ဖန်ကျူး… တို့ ဖြစ်လေသည်။သူတို့သည် အခမ်းအနား မစမှီကတည်းကပင် ကြိုဆိုဧည့်ခံရေး … ချက်ပြုတ်ကျွေးမွေးရေး …
စသည်အလုပ်များဖြင့် လွန့်လူးခတ်မျှ လှုပ်ရှားနေရသည်ဖြစ်ကာ ယခုမှသာ အနားရတော့သည် မဟုတ်ပါလား။
ဤသို့ဆိုလျှင် နတ်ဓားပျံ စံအိမ်တစ်ခုလုံး မည့်သည် အခြင်းအရာကြောင့် အခမ်းအနားတစ်ခုအား ဆင်ယင်ကျင်းပနေပါသနည်း•••••
အဖြေကား ရှိပါသည်။
နတ်ဓားပျံစံအိမ်၏ အမွေဆက်ခံသူ, သားအကြီးဆုံးဖြစ်သူ
ကျန်းစန်းရှောင်နှင့် ဝေဟင်ရဲတိုက်၏ တစ်ဦးသော သမီးရတနာ
ဖန်းပင်းပင်း တို့၏ လက်ထပ်မင်္ဂလာပွဲပင် ဖြစ၏။
ရွှေကို ရွှေချင်းထက်၍ မြတ်သည့်ပွဲဖြစ်သောကြောင့်
ဟန်ကျူးတစ်မြို့လုံး မီးခိုးတိတ်ကာ ပျော်မြူးနေကြလေသည်။
သို့သော်
ဟန်ကျူးမြို့ တစ်မြို့လုံးပျော်မြူးနေကြသော်လည်း မြို့ချင်းကပ်လျှက်ရှိ လုယန်မြို့သူမြို့သားအပေါင်းတို့ကား
မပျော်ရွှင်နိုင်ကြပေ။ အဘယ်ကြောင့်ဆိုသော် ••••
လုယန်မြို့အလယ်၌ ခမ်းနားထည်ဝါစွာ တည်ရှိနေသော တမာန်တော်ရဲတိုက်သခင်ကြီး တုန်လောက်၏ သားဖြစ်သူ တုန်ပုလောက်ကြောင့် ဖြစ်ပေသည်။ ထပ်၍ ရှင်းပါအံ့•••••
တုန်ပုလောက်မှာ ယနေ့
ဟန်ကျူးမြို့၌ နတ်ဓားပျံ ကျန်းစန်းရှောင်နှင့်အတူ ပျော်ရွှင်စွာ လက်ထပ်မင်္ဂလာပွဲ ကျင်းပနေသည့် ဖန်းပင်းပင်းအား
တစ်ဖက်သတ် မေတ္တာရှိနေသူဖြစ်ရကား သူ၏ အသဲအား ကျွဲခတ်ခံရသည့်နှယ်ဖြစ်သည်မို့ နတ်ဓားပျံစံအိမ်နှင့် ကျန်းစန်းရှောင်အပေါ်၌ နှစ်ထပ်ကွမ်း အမုန်းတို့ဖြင့် အရှုံးသမားဖြစ်ကာ
သောက်စားယစ်မူး၍ တစ်မြို့လူံးရှိ
မြို့သူမြို့သားတို့အား ရန်ရှာ၍ ရိုက်နှက်နေခြင်းကြောင့်ပင် ဖြစ်သည်။
တမာန်တော်ရဲတိုက်သခင်လေး
တုန်ပုလောက် •••••
အချစ်ကြီးလှသည့် တုန်ပုလောက် ••••
အငြိုးကြီးမားလှသည့် တုန်ပုလောက် •••••
ဘဝ,ဘဝတွေအား ကံကြမ္မာဆိုးကြီးအတွင်းသို့ ဆွဲသွင်းပစ်မည့် တုန်ပုလောက် ••••
သူ၏
မျက်လုံးအိမ်ထဲဝယ် တပါးသူနှင့် အပျော်ကြီး ပျော်နေသည့်
ဖန်ပင်းပင်းကိုသူ့မျက်လုံးထဲ
မြင်ယောင်နေလေရာ
တနေ့တနေ့ အရက်သောက် မူးရူး၍ အချိန်တွေ ကုန်လွန်လာခဲ့သည်မှာလည်း တစ်နှစ်ဟူသော အတိုင်းအတာပင် ပြည့်ခဲ့လေပြီ။
သို့သော် တုန်ပုလောက်ရင်ထဲ မမေ့နိုင်သေးပါ။
ယနေ့ထက်ထိတိုင် ဖန်ပင်းပင်း၏ အလှတရားတို့က ဆွဲချည်နှောင်ဆဲ။
သိတတ်စ နှလုံးသားနုနုဝယ်
ဖန်ပင်းပင်း၏ ပုံရိပ်တို့က မနေ့တနေ့ကအလား ပီပြင်ထင်ရှားဆဲ။
တုန်ပုလောက်တစ်ယောက် ဖန်ပင်းပင်းအား ရူးလောက်အောင် ချစ်နေပါသော်လည်း
သူမကို သိမ်းပိုက်ရယူသွားသူ
ကျန်းစန်းရှောင်ကိုတော့ နုတ်နုတ်စင်း ၍ အစိမ်းပင် စားပစ်ချင်မိလေသည်။
တုန်ပုလောက်ကား အရိုင်းဆန်၏။
တစ်နည်းအားဖြင့် စိတ္တဇဆန်၏။ အစွန်းရောက် အချစ်တို့ဖြင့် ပြည့်နှက်နေသည့် သူ့နှလုံးသားမှာ
၎င်းအချစ်ကြောင့်ပင် သန္ဓေတည်လာသည့် အစွန်းရောက် အမုန်းတို့ ဒဏ်ကြောင့် ခံနိုင်ရည်မရှိသည့်အလား ရူးခါနေပေတော့သည်။
"အခွင့်အရေး…။
ဟုတ်တယ် …၊ ငါ အခွင့်အရေးကို စောင့်ရမယ်၊ ဒီအချိန်က ငါ့အတွက် မဟုတ်သေးဘူး။ငါ့သိုင်းပညာကို ဒီထက်မကအောင် လုပ်ရမယ်။ အဖေ အသစ်သင်ပေးတဲ့ သိုင်းကိုသာ ငါလေ့ကျင့်ပေါက်မြှောက်သွားရင် …
ဟားး … ဟား… ဟားးး"
ဤကား အရက်အိုးကို ဖက်၍ အိပ်ပျော်နေရာမှ ထထိုင်ကာ မူးမူးနှင့်ရေရွှတ်ကြွေးကြော်လိုက်သည့် တုန်ပုလောက်၏ စကားပင် ဖြစ်ပေသည်။
မှန်၏ … သူ့အား
အခုရက်ပိုင်းအတွင်းမှပင် ဖခင်ဖြစ်သူ
တုန်လောက်က ယခင်သင်နေကြ သိုင်းများနှင့်မတူ တမူထူးကာ ဆန်းပြားပြင်းထန်၍ တစ်ကွက်ဆိုတစ်ကွက် ထိရောက်လွန်းလှသော သိူင်းပညာတစ်မျိုးအား သင်ကြားလေ့ကျင့်ပေးနေ၏။
သို့ရာတွင် သူသည် အချစ်,အမုန်း,အလွမ်း,အဆွေးတည်းဟူသော ကြီးမားကျယ်ပြန့်လှသည့် ဝေဒနာဓာတ်ခံကြောင့် အာရုံစူးစိုက်မှု နည်းကာ တိုးတက်မှုနည်းလှပေသည်။ ထို့ကြောင့် ဖခင်ဖြစ်သူ တုန်လောက်မှာလည်း သူ့အား စိတ်ပျက်အားလျော့စ ပြုလေပြီ။
"မဖြစ်ဘူး … အဖေ စိတ်ပျက်သွားလို့ မဖြစ်ဘူး။ ငါ ဒီတိုင်းနေလို့ မရတော့ဘူး။ငါ ကြိုးစားရမယ်။ ပြင်းပြင်းထန်ထန် ကြိုးစားရမယ်။ ဒါမှ ငါ့အတွက် အခွင့်အရေးရလာတဲ့တစ်နေ့ ကောင်းကောင်းကြီး ငါ လက်စားချေနိုင်မှာ။ ဟုတ်တယ် … ဟုတ်တယ်။ ငါ ကြိုးစားရမယ် …"
သူရူးတစ်ယောက်နှယ် ထိုင်နေရာမှ တဖွဖွ ရေရွတ်လျက်ရှိရာမှ တုန်ပုလောက် ထရပ်လိုက်၏။ အမူးလွန်နေသည့် ခန္ဓာကိုယ်မှာ အစပိူင်းတွင် ယိုင်နဲ့နေသော်လည်း အတန်ကြာသည်နှင့် တည်ငြိမ်စွာ ရပ်တည်နိုင်သွားလေသည်။ ထို့နောက် ရင်ဘတ်နှင့် အပ်ကာပိုက်ထားသည့် အရက်အိုးအား ငုံကြည့်လိုက်ပြီးနောက် အားကုန်သုံး၍ ပေါက်ခွဲပစ်လိုက်လေတော့သည်။
"ဝုန်း …"
" အော် … ငါလိုအရက်သမားတစ်ယောက်ကလည်း ပြတ်သားတဲ့ စိတ်နဲ့သာ လုပ်ရင် ပြင်းပြင်းထန်ထန် ပေါက်ကွဲနိုင်စေတာပဲကို •••။
ဟားး ဟားး ဟား…"
တုန်ပုလောက်မှာ အရက်အိုးနှင့် အခန်းနံရံထိ၍ ဝုန်းခနဲ မြည်ကာ ပေါက်ကွဲသွားသည့် အသံအားကြား၍ အတွေးပေါက်သွားပြီးနောက် အချစ်,အမုန်း(လောဘ,ဒေါသ) တို့ကြောင့် မှောင်နေခဲ့သည့် သူ၏ စိတ်အစဉ်မှာ လင်းလက်သွားလေတော့သည်။ ထိုနောက် အမြဲတစေ မှေးမှိန်နေခဲ့သည့် တုန်ပုလောက်၏ မျက်လူံးအစုံမှာ လင်းလက်တောက်ပလာကာ ဖခင်ရှိရာ အရပ်သို့ တက်ကြွစွာ ခြေဦးလှည့်လိုက်လေတော့သည်။
